احساس

**العاصف** السبت نوفمبر 22, 2008 9:27 am

.............احساس ..........
..................................................................

وداعـــآ ابرحـــــــل انكتب يومي الموعود
..............................................يوم الغياب الي بيح احزان اخفيها
خلاص اببعد وانا ذاك الغايب الموجود
.........................................انا الي مالقى ديره تضمه في اراضيها
وانا ذاك الغريب الي رحل عن ديرته مجبور
.......................................... وانا دمعه حزينه مالقت منهو يواسيها
وانا ذاك الوحيد الي سهر والعالمين رقود
.........................................عيونه ماتنام الليل ترجي شوف غاليها
وانا منهو لقى منك سوى هم وجفا وصدود
.........................................وانا قصتي قصه عجزت اعرف معانيها
صبرت لين عرفت ان الصبر محدوووود
.....................................وطاحت دمعه عيوني وباحت عن خوافيها
عرفت ان الامل لمن مثلي قبر ملحود
............................................امل يهدم علي دايم بيوت كنت بانيها
وطوول الليل ما القى سوى هم علي يزود
.........................................وضيقه صدر ودمعه عن الناس اخفيها
اسافر مع نجوم الليل صوب الماضي المعهود
......................................ولا القى سوى ذكرى مرور الوقت ماحيها
وطول الليل ابني لي مشاريع ابيها تعود
.........................................واذا اقبل علي الصبح يهدمها ويمحيها
تعب قلبي بها الدنيا يدور نصه المفقود
.........................................وعيني ملاها الدمع واحرق مابقى فيها
عرفت الضيقه الي تشعل بالحشا نار تقود
......................................وعرفت ان النار ماتحرق الا رجل واطيها
ابهجر سكه الغربه وابصرخ دون اي قيود
.........................................وابرحل عن حياه الحزن والهم كاسيها
مدامه مايخاويني سوى ذيك الليالي السود
..................................وش الي يجبرني ابقى بدنيا الحب مو فيها..؟
اببعد وبي شموخ البداوه وعزها المنشود
.......................................شموخ انثى ماخلِق منهو يدنسها ويدنيها
وبقى في خاطري كلمه ابعلنها بدون حدود
...................................((وداعـــــــــ ــآ ابرحـــل))ونفسي عزتي فيها